Петочно во Германија - со Марина и Панче

20. Дозвола за престој: Дете со македонски & родител со ЕУ пасош

Стара тема во нов формат. Збориме за познатата проблематика, со која се соочуваат многу фамилии во Германија, кога на дете со македонски пасош службите не му издаваат дозвола за престој, со образложение дека детето има право на европскиот пасош. Збориме за различните начини со кои може да се проба да се добие дозвола за престој, за различните искуства на луѓето и ја објаснуваме ситуацијата од аспект на германска институција.
Многу сте добредојдени да споделите, ако сте добиле дозвола за престој за детето на начин, кој не е спомнат во епизодата

19. Промени во законот за државјанство

Денес збориме за долгоочекуваните промени во законот за државјанство, кои одредби се променија и што може да очекуваме во следните месеци и години. 
Ако имаш поднесено или планираш да поднесеш барање за германско државјанство, добредојден/a си да споделиш искуство со процедурата на нашите социјални канали
 
 

18. Во светот на формуларите

Von der Wiege bis zur Bahre, Formulare, Formulare
Со тоа писателот сака да се каже дека од почеток до крај на живот има нешто да се пополнува во Германија. Денес збориме за формулари, барања, како да си помогнете и кои се вашите права во административни постапки.
А ако ви треба помош, му пишувате на Панче тука : https://www.causiconsulting.de/
 

17. Дали сме задоволни од квалитетот на здравствените услуги во Германија?

Збориме за наши искуства со здравствениот систем тука и споделуваме совети за полесно добивање термини и општо за намалување на фрустрација низ тој процес.
Кое е вашето искуство со здравствениот систем во Германија? Споделете во коментари или во дм на нашиот инстаграм профил https://www.instagram.com/petocnovogermanija/
Страна и апликација за барање лекари и закажување термини:
https://www.doctolib.de/?utm_source=google&utm_medium=cpc&utm_campaign=adv_AW_DE_Search_B2C_Brand-Doctolib_Exact&gad_source=1&gclid=CjwKCAjw1K-zBhBIEiwAWeCOF6xCczt86DHZZsg_25lFvaodQrTwuml5MqKsjgivLEO4NV34borpohoCTKcQAvD_BwE

16. Хоби во Германија: Што да се прави во слободно време?

Во оваа епизода на нашиот подкаст, ќе се фокусираме на различните хобија и активности што можат да се прават во Германија за време на слободното време.
Ќе зборуваме за учество во клубови, здруженија и волонтерски организации и за тоа како овие активности можат да помогнат во запознавање нови луѓе и создавање нови пријателства. Зборуваме и за концепти, пристапност и понуда на различни курсеви.
Уживајте во епизодата и споделете - кое е вашето хоби во Германија?

15. Chancenkarte 2024: Шанса или илузија?

Од први јуни стапува на сила промена во законот за странци, кој овозможува виза за барање на работа во Германија базиран на основни услови и систем на поени (Chancenkarte). Зборуваме за условите, процесот на апликација и можностите кои ги отвора. Дискутираме за  тоа дали е оправдана еуфоријата поврзана со неа, дали има потенцијал да успее и дали ќе ја исполни својата цел- да го намали недостатокот од квалификувани работници во Германија.
Провери дали се квалифицираш за Chancenkarte тука:
https://www.make-it-in-germany.com/de/visum-aufenthalt/self-check-chancenkarte
 

14. Свадбени обичаи во Германија

Денес слушате како се слави свадба во Германија, кои се најчестите обичаи, што се случува во матично и во црква-и каде повесело се слави :)

13. Избор на Европски парламент

Во денешната епизода слушате што и како се бира, кој се кандидира, како се одвиваат избори во Германија и други поврзани теми. Ако имате право на глас или ако едноставно ве интересираат претстојните избори во ЕУ слушнете тука, на вашиот омилен подкаст :) 
 
Барање за внес во избирачки список
Wahl-O-Mat

12. Празници и неработни денови во Германија

Во оваа епизода збориме за државни и религиозни празници во Германија, посебни празници во покраините, која покраина има најмногу неработни денови и како да искористиме најмногу слободни денови околу празници

11. Каде на одмор ова лето?

Каде одиме на одмор кога не одиме во Македонија, каде најчесто патуваат Германците, каде и кога да букираме, препораки, искуства - за тоа и сè друго поврзано со летен одмор слушате во денешната епизода на Петочно во Германија :)