Петочно во Германија - со Марина и Панче

64. Overthinking – Кога умот не ни дава мир

Добредојдовте во нова епизода.
Во изминатиот период зборувавме за тоа како социјалните мрежи влијаат врз нашето чувство на поврзаност, дали навистина нè зближуваат или, понекогаш, нè прават уште поосамени. Потоа разговаравме за чувството „не сум доволно добра“ и за перфекционизмот – како постојаната потреба да бидеме совршени може да стане товар наместо мотивација.
Но зад сите овие теми често се крие уште нешто. Еден внатрешен процес што речиси секој од нас го доживува – постојаното размислување, анализирање и преиспитување.
Колку пати сте се фатиле себеси како повторно го вртите истиот разговор во главата? Или размислувате што требало да кажете, што ќе се случи утре или дали сте донеле вистинска одлука?
Токму за тоа ќе зборуваме денес.
За overthinking – кога умот не ни дава мир, како да препознаеме кога размислувањето престанува да ни помага и станува товар, и како да изградиме поздрав однос со сопствените мисли.
Затоа, останете со нас.

63. Пepфекционизам – Сила или пречка?

Денес ќе зборуваме за една тема со која многу луѓе се соочуваат - перфекционизмот.
Често го гледаме како желба да бидеме подобри и да постигнуваме повеќе, но понекогаш зад него се крие нешто подлабоко – стравот од грешка, стравот од критика и чувството дека никогаш не сме доволно добри.
Перфекционизмот може да нè мотивира, но може и да нè зароби во постојан притисок, сомнеж и незадоволство.
Во оваа епизода ќе зборуваме како настанува, како влијае на нашиот ум и кои чекори можат да ни помогнат да живееме со повеќе слобода и прифаќање на себеси.

62 Не сум доволно добра! Не сум доволно добар!

Тоа е реченица што не се слуша гласно. Не ја кажуваме често пред другите, но живее во нашите мисли. Се појавува кога ќе згрешиме, кога ќе не одбијат. Кога ќе видиме некој што ни изгледа поуспешен, поубав, посреќен, побогат или посигурен од нас. 
И токму затоа се муабетиме денес за ова чувство. Не за да го оттргнеме или негираме, туку да го разбереме. 

61. Дали сме повеќе поврзани или повеќе осамени?

Живееме во време кога можеме да му пишеме на секого во секој момент, да видиме што прави, каде е и како изгледа неговиот ден. Никогаш не сме биле толку достапни и толку поврзани на екран. Но зад таа постојана комуникација се крие едно многу важно прашање: дали навистина сме поблиски, или само почесто сме во контакт? Во оваа епизода зборуваме за односите, за осаменоста, за социјалните мрежи и за тоа што денес навистина значи да бидеш поврзан со некого.

60 Мајка-Дете , Татко-Дете, превенција или рехабилитација / Mutter-Kind Kur, Vatter-Kind Kur

Што преставува оваа мерка, за кого е наменета, како изгледа престојот, што е потребно за апликација, што ако ве одбијат и можеби најважното, како да препознаете дали ова можеби токму и вам ви е потребно. 

59 Како да побараш покачување на плата

Тема која за многумина од врабитените е табу, и ретко кој ја зборува гласно. Во оваа епизода нема да добиете магично ветување дека секој ќе добие покачување утре, но ќе добиете алатки како да не влезете „на емоции„ туку со аргументи, факти и јасно барање. 

58 Германски навики што неочекувано ги прифативме

Денес се муабетиме за нешто што сите во дијаспората го чувствуваме - моментот кога ќе сватиме дека.... полека стануваме Германци. Зборуваме за навиките кои пред години, месеци... биле незамисливи но одеднаш се фаќаме на дело како тие исти ни се залепиле во секојдневието.

57 Настава на македонски во Германија

„Јазикот е нашата татковина„ рекол големиот македонски писател Блаже Конески. Во оваа епизода слушајте за тоа калко се негува макодонскиот јазик надвор од границите Ќе слушнете за тоа кој е процесот и кои предуслови се потребни за отварење на паралелка на македонски јазик во школото каде учи вашето дете. 

56. Нов глас во подкастот - Добредојде, Дијана!

Во опуштен разговор ја запознаваме Дијана и зборуваме за секојдневието, работата и актуелните теми од дијаспората.
Линк до страната на Обединета Македонска Дијаспора:
United Macedonian Diaspora – United, We Can!

55. Новогодишни Желби ! / Neujahrsvorsätze !

Оваа Година ќе биде моја Година! Овој слоган многумина го изговараат во новогодишната ноќ. Кога старата година заминува и новата е пред прагот, најчесто правиме едно резиме за она што сме поминале, што сме оствариле, но и за она што не сме постигнале и оствариле. Од сето ова чуввствуваме желба да промениме нешто во нашиот живот. Почетокот на новата година е токму идеален повод тоа и да го направиме, да престанеме да пушиме, да симене некое килце, да смениме фирма, позиција, да си го намалиме стресот, да си земеме повеќе време за нас и сите околу нас, да почнеме нов бизнис..... 
Новогодишните желби/одлуки се едно но праксата е сосем поинаку. Зошто ни е толку тешко да се придржуваме до нашите новогодишни желби и одлуки и како можеме успешно да да ги спроведеме во пракса? За ова ќе слушнете во дешната епизода.